Վրաստանն առաջին տիկին ունի. երկրի նախագահն ամուսնացել է

15:24 • 10.09.14

Վրաստանի նախագահ Գեորգի Մարգվելաշվիլին ամուսնացել է, հայտնում է gazeta.ru-ի թբիլիսյան թղթակիցը։

 

2013-ին նախագահի պաշտոնը ստանձնած Մարգվելաշվիլին ամուսնացել է իր ընկերուհի Մաքա Չիչուայի հետ:  Նրանք ապրում էին քաղաքացիական ամուսինների կարգավիճակով:

 

Վրաստանի նոր առաջին տիկինը տեղեկությունը հաստատել է:

 

45-ամյա նախագահի ու նրա ընկերուհու պսակադրությունը տեղի է ունեցել մի քանի օր առաջ Դուշեթի քաղաքում, որտեղ Մարգվելաշվիլին ամառանոց ունի:

 

Չիչուան դիմահարդար է եղել հեռուստատեսությունում, հանդես է եկել նաև որպես երգչուհի:

 

Մարգվելաշվիլին առաջին ամուսնությունից մեծ դուստր ունի։