Բուդապեշտում հայտնաբերվել է Մոցարտի 11-րդ դաշնամուրային սոնատի ձեռագրի մի մասը

Բուդապեշտում հայտնաբերվել է Մոցարտի 11-րդ դաշնամուրային սոնատի բնօրինակի մի մասը։ Նախկինում համարվում էր, որ բնօրինակները կորել են ավելի քան 200 տարի առաջ։ Չորս էջը պատահաբար հայտնաբերվել է Հունգարիայի Ազգային գրադարանի պահուստում, գրում է tvkultura.ru-ն։

Փորձագետներն արդեն ուսումնասիրել են ձեռագրերը և հաստատել դրա օրիգինալ լինելը։ Ձեռագրերը մի փոքր տարբերվում են տարածված օրինակներից, քանի որ պարունակում են հենց Մոցարտի նշումներն ու ուղղումները։

Գտնված օրինակները կուղարկվեն Զալցբուրգում գտնվող Մոցարտի թանգարան։