Հարվարդում սկանդալ է առաջացել ուսանողներին գաղտնի հետևելու պատճառով
Հարվարդի համալսարանի ղեկավարությունն ընդունել է, որ գաղտնի տեսախցիկների միջոցով հետևել է դասախոսությունների հաճախելիությունը, ընդ որում՝ ոչ դասախոսները, ոչ ուսանողներն այդ մասին նախազգուշացված չեն եղել, գրում է ria.ru-ն՝ հղում անելով The New York Times-ին:
Դասախոսներից ստանալով բողոքներ այն մասին, որ շատ ուսանողներ չեն հաճախում դասախոսություններին, ղեկավարությունը որոշել է հետևել դասընթացներին: Այդ նպատակով նրանք սկսել են հետևել տասը կրթական առարկաների հաճախելիությունը տեսախցիկների միջոցով: Այդկերպ հսկողության տակ է հայտնվել մոտ երկու հազար ուսանող:
Վախենալով, որ ուսանողների իրազեկությունը կարող է խեղել հետազոտության արդյունքները՝ ղեկավարությունը որոշում է կայացրել չհայտնել դասախոսներին և ուսանողներին լսարաններում տեսախցիկների առկայության մասին: Տեղի ունեցածը վեճեր է առաջացրել գաղտնիության սահմանների վերաբերյալ:
«Ես դա չէի անվանի լրտեսություն, ինչպես համարում են շատերը, բայց չեմ կարծում, որ դա լավ գաղափար է»,- հայտարարել է տնտեսագիտության պրոֆեսոր Ջերի Ր. Գրինը:
Որոշ ուսանողներ գաղտնի նկարահանումն անվանել են վստահության չարաշահում, մինչդեռ մյուսներն ուշադրություն չեն դարձրել՝ տեսախցիկներն անվանելով համատարած երևույթ:










