Իռլանդացի ուսուցչուհուն մերժել են աշխատանքի ընդունել Հրվ. Կորեայում՝ «իռլանդացիների ալկոհոլիկ բնույթի» պատճառով

17:36 • 07.11.14

Իռլանդացի ուսուցչուհուն մերժել են աշխատանքի ընդունել Հարավային Կորեայում՝ «ալկոհոլիկ բնույթի» պատճառով, գրում է The Independent-ը:

 

Քեթի Մալրենանը դիմել էր աշխատանքի համար Հարավային Կորեայի մայրաքաղաք Սեուլում՝ տեսնելով թափուր աշխատատեղի մասին գովազդը:

 

Այնուամենայնիվ, 26-ամյա ուսուցիչը մերժման նամակ է ստացել, որտեղ ասվում է, որ նա չի ստանա աշխատանքը, քանի որ իռլանդացի մարդիկ ալկոհոլիկ են:

 

«Ցավում եմ Ձեզ տեղեկացնել, որ իմ հաճախորդը չի ընդունում աշխատանքի իռլանդացի մարդկանց՝ ձեր ալկոհոլիկ բնույթի պատճառով»,- գրված է եղել նամակում:

 

Մալրենանը նշել է, որ ցնցվել է՝ տեսնելով հաղորդագրության բովանդակությունը:

 

«Երբ ես ստացա էլեկտրոնային նամակը, այն կարճ էր: Ես ծիծաղեցի, երբ առաջին անգամ կարդացի»,- պատմել է նա BBC-ին՝ հավելելով, դժվարությամբ է հավատացել, որ իսկապես նման բովանդակությամբ նամակ է ստացել: