ԱՄՆ-ն կավելացնի զինծառայողների թիվն Իրաքում

23:43 • 08.11.14

 Ամերիկայի Միացյալ Նահանգները կավելացնի Իրաքում ամերիկացի զինվորականների թիվը: ԱՄՆ նախագահ Բարաք Օբաման որոշել է Իրաք ուղարկել ևս 1500 զինվորական:

Ինչպես հաղորդում է «Արմենպրես»-ը՝ վկայակոչելով Guardian -ը, ԱՄՆ-ն որոշել է Իրաքում ամերիկացի զինվորականների թիվն ավելացնել Իսլամական պետության դեմ պայքարի համար: Իրաքում ամերիկացի զինծառայողների թիվը կհասնի 3000-ի:

Նշվում է, սակայն, որ ամերիկացի զինվորականներն ահաբեկիչների հետ ռազմական գործողությունների չեն մասնակցելու:

Նրանց գործառույթները կսահմանափակվեն միայն իրաքյան ուժերին և քրդական կազմավորումներին վարժեցնելով: Ամերիկացները կտեղակայվեն Բաղդադում և քրդերի կողմից վերահսկվող Էրբիլեում: