Գիտնականները տարակուսանքի մեջ են Ռիոյի օլիմպիական ծովածոցում հազարավոր մահացած ձկների պատճառով
Առեղծվածային կերպով հազարավոր մահացած ձկներ են սկսել հայտնվել աղտոտված Ռիոյի ծովածոցում, որտեղ հյուրընկալվելու են 2016 թվականի Օլիմպիական խաղերի նավարկության մրցումները: Մասնագետները տարակուսանքի մեջ են և չեն կարողանում բացատրել մահացած ձկների հայտնվելու պատճառը, գրում է rawstory.com-ը:
Գուանաբարա ծովածոցի վերաբերյալ ավելի վաղ արդեն անհանգստություն են հայտնել մարզիկները՝ մարդկանց կողմից նետված աղբի պատճառով: Միջազգային օլիմպիական կոմիտեն վստահություն է հայտնել, որ ծովածոցը պատրաստ կլինի մինչև խաղերը անհրաժեշտ պայմաններին:
Բայց հազարավոր մահացած ձկների և դրանց փտող մարմիններից առաջացած խոնավ գարշահոտությունը նոր մտահոգությունների առիթ են դարձել:
Գիտնականները բացատրություն չեն կարողանում գտնել երևույթի համար, բայց ասում են, որ դեռևս ապացույցներ չկան, որ պատճառը աղտոտվածությունն է: Անցկացված հետազոտությունների արդյունքները բացառել են ջրի քիմիական կամ թունավոր աղտոտվածությունը:










