Սիրիայի պատերազմի մասին սերիալի 9-ամյա դերակատարուհին YouTube-ի աստղ է դարձել

11:28 • 10.11.14

Իննամյա հալեպցի աղջնակը YouTube-ի «դառը հումորով» սերիալի աստղ է դարձել, որը պատմում է Սիրիայի պատերազմի մասին, հայտնում է France24-ը:

 

Սերիալում ներկայացվում են շրջափակված Հալեպում ապրելու դժվարությունները: Մեծերի դերերը խաղում են երեխաները:

 

Ռաշան անունով աղջիկը խաղում է Ումմ Աբդո ալ-Հալաբիյա անունով տնտեսուհու դերը, ով պետք է գոյատևի երեքամյա պատերազմից ամայացած քաղաքում, ամենօրյա ռմբակոծությունների և սովի պայմաններում: Աղբյուրը նկատում է, որ սերիալը նաև նախագահ Բաշար ալ-Ասադի ռեժիմի դեմ է հանդես գալիս:

 

Շոու-սերիալի ստեղծողների նպատակը, սակայն, մարդկանց ժպիտ պարգևելն է՝ չնայած սարսափելի պատերազմին: