Բաքվում բլոգեր է ձերբակալվել

13:41 • 10.11.14

Բլոգեր Մեհման Հուսեյնովին այսօր առավոտյան ձերբակալել են Բաքվի օդանավակայանում` Վրաստան մեկնելուց առաջ: Ինչպես տեղեկացնում է contact.az-ը, այդ մասին հաղորդել է լրագրող Խադիջա Իսմայիլովան:

 

2012թ.-ի ամռանը Հուսեյնովի դեմ քրեական գործ էր հարուցվել, և նրան արգելվել էր երկրից դուրս գալ: Հուսեյնովին մեղադրանք էր առաջադրվել ոստիկանության աշխատակցի հանդեպ խուլիգանական արարք իրականացնելու համար:

 

Սակայն քրեական գործի քննության ժամկետն ավարտվել էր, և Հուսեյնովը դիմել էր դատախազություն՝ երկրից դուրս գալու արգելքը վերացնելու պահանջով:

Դատախազությունը խորհուրդ էր տվել դիմել ոստիկանություն, որտեղից, սակայն, բլոգերը պատասխան չի ստացել:

 

Գործնականում ստուգելու համար՝ հանվե՞լ է արդյոք արգելքը, Հուսեյնովը ցանկացել է օգտվել հրավերից և մեկնել Թբիլիսի՝ մասնակցելու ԵԱՀԿ-ի համաժողովին:

 

Ձերբակալությունից հետո նրա հետ հեռախոսակապն ընդհատվել է: