Թաթարստանում 4-րդ հարկից նետված ինքնասպանը կոտրել է անցորդի ողնաշարը
Թաթարստանում ինքնասպանը նետվել է շենքի 4-րդ հարկից և ընկել պատահական անցորդի վրա՝ վերջինիս հասցնելով ողնաշարի վնասվածք, գրում է ТАСС գործակալությունը։
Այդ մասին գործակալության թղթակցին հայտնել է Ռուսաստանի քննչական կոմիտեի Թաթարստանի քննչական վարչության ղեկավարի ավագ օգնական Անդրեյ Շեպտիցկին։
20-ամյա ինքնասպանը տեղում մահացել է, իսկ անցորդին անգիտակից վիճակում տեղափոխել են շրջանային հիվանդանոց, որտեղ նրան ախտորոշել են ողնաշարի կոտրվածք։
Փաստի առթիվ իրականացվում է ստուգում, որը կհաստատի դեպքի հանգամանքները, այդ թվում նաև ինքնասպանության դրդապատճառը։










