Սիրիացի «հերոս» տղայի մասին տեսանյութն իրականում բեմադրված է եղել (տեսանյութ)
BBC-ն հայտնում է, որ YouTube-ում միլիոնավոր դիտումների արժանացած հոլովակը սիրիացի «հերոս տղայի» մասին իրականում կեղծ է:
Տեսանյութը, որում սիրիացի տղան, սեփական կյանքը վտանգելով, դիպուկահարի կրակի տակ փրկում է սարսափահար աղջկա, նկարահանել է նորվեգացի ռեժիսոր Լարս Քլևբերգը:
Նկարահանող խումբն ինքն է խոստովանել լրատվամիջոցին, որ դիպվածը բեմադրված է: Նկարահանվել է ամռանը Մալթայում հենց որպես իրական ներկայացնելու մտադրությամբ: Ի դեպ, նկարահանվել է «Տրոյա» և «Գլադիատոր» ֆիլմերի նկարահանման տեղանքում: Իսկ սիրիացիների դերում հանդես եկած տղան ու աղջիկն իրականում պրոֆեսիոնալ մալթացի դերասաններ են:












