Ռուսաստանը Յանուկովիչին ու նրա ընտանիքի անդամներին չի հանձնի Ուկրաինային
Ուկրաինայի նախկին նախագահ Վիկտոր Յանուկովիչն ու նրա ընտանիքի անդամները, որոնց հանդեպ Կիևի նոր իշխանությունները հետախուզում են հայտարարել, չեն հանձնվի ուկրաինական իշխանություններին:
Ինչպես տեղեկացնում է Интерфакс գործակալությունը, այդ մասին հայտնել է իրավապահ մարմիններից մի աղբյուր:
«Հավանականությունը, որ հայր և որդի Յանուկովիչները, ինչպես նաև Ուկրաինայի նախկին բարձրաստիճան պաշտոնյաները կհայտնվեն նոր իշխանությունների մոտ, գրեթե զրոյական է»,-ասել է գործակալության զրուցակիցը:
Նրա խոսքով՝ կարևոր հակափաստարկ է նաև այն, որ Ինտերպոլը հրաժարվել է Ուկրաինայի պաշտոնանկ ղեկավարներին ներառել փնտրվող հանցագործների ցանկում:










