Անհայտ անձը կրակ է բացել ամերիկյան բարերից մեկում
Անհայտ անձը կրակ է բացել ԱՄՆ-ի Օհայո նահանգի Ակրոն քաղաքի բարերից մեկում, որի հետևանքով մեկ մարդ է մահացել, 4-ը` վիրավորվել:
Ինպես հաղորդում է РИА Новости-ն` Akron Beacon Journal-ին հղումով, միջադեպը տեղի է ունեցել առավոտյան տեղի բարերից մեկում: Պարբերականի տվյալներով` հրաձգության ժամանակ զոհված անձը ոստիկան է եղել, ով ծառայողական պարտականություններ իրականացնելիս չի եղել: Միջադեպից տուժածներին տեղափոխել են հիվանդանոց:
Ոստիկանությունը հետաքննություն է անցկացնում: Հաղորդվում է, որ հրաձգության հեղինակը ձերբակալվել է:










