Սիլվիո Բեռլուսկոնին հոսպիտալացվել է Միլանում
Իտալիայի նախկին վարչապետ Սիլվիո Բեռլուսկոնին երեկ աչքերի բորբոքումով հոսպիտալացվել է Միլանում, հայտնում է Корреспондент-ը։
77-ամյա Բեռլուսկոնին, ով վաղուց է տառապում ծիածանաբորբից (աչքի ծիածանաթաղանթի բորբոքում), տեղափոխվել է Սան Ռաֆայել կլինիկա։
Նրա փաստաբան Ալբերտո Դզանգրիլոյի խոսքով, հիվանդանոցում քաղաքական գործիչը կանցկացնի առնվազն մեկ շաբաթ։
Հոսպիտալացումից մեկ օր առաջ Բեռլուսկոնին ներկա է գտնվել իր մտերիմ Միքայելա Բյանկոֆիորեի գրքի շնորհանդեսին՝ մուգ ակնոցով, ինչը նա բացատրել է նրանով, որ ստիպված է կրել, քանի որ ձախ աչքն արցունքոտվում է։
Աչքի հետ խնդիրները նախկին վարչապետի մոտ սկսվել են 2009-ին, երբ հոգեկան շեղումով մի տղամարդ իր վրա էր նետել հուշանվերային քանդակ։
«Ես ներողություն եմ խնդրում արևային ակնոցի համար, սակայն խնդիրներ ունեմ ձախ աչքիս հետ. այդ քանդակը ինձ զրկեց 4 ատամից և հանգեցրեց ծիածանաբորբի»,- ասել է Բեռլուսկոնին։










