Գերմանիայում տղամարդը պայթեցրել է իրեն՝ ոստիկանների աչքի առաջ

10:40 • 17.11.14

Գերմանիայի Հոմբերգ քաղաքում տղամարդն ինքնասպան է եղել՝ տան մոտ պայթեցնելով իր ավտոմեքենան, տեղեկացնում է korrespondent.net-ը:

 

Տեղի ոստիկանները հաղորդել են, որ միջադեպի հետևանքով տուժել է 7 մարդ, և իրենք ականատես են եղել տղամարդու ինքնասպանությանը:

 

Քաղաքացին ինքնասպանություն է գործել ընտանեկան վեճի պատճառով, ինչի համար էլ ոստիկանության աշխատակիցները ժամանել են դեպքի վայր՝ հարևանների կանչից հետո:

 

Նրանք տեսել են, թե ինչպես է տղամարդը դուրս գալիս փողոց, նստում մեքենան ու հեռանում: Որոշ ժամանակ անց նա վերադարձել է, տան մոտ կայանել մեքենան, ինչից հետո պայթյուն է որոտացել:

 

«Մեքենայից ոչինչ չի մնացել: Շարժիչի մի կտոր ընկել է պայթյունի վայրից 30 մետր հեռու»,- տեղեկացրել է ոստիկանության ներկայացուցիչ Վոլֆգանգ Քելլերը:

 

Նրա խոսքով ՝ հարակից տները վնասվել են: