Իտալիան Tornado կործանիչներ կուղարկի Իրաք՝ «Իսլամական պետության» դեմ պայքարի համար

09:24 • 17.11.14

Իտալիան Tornado տիպի 4 կործանիչ կուղարկի Իրաք՝ «Իսլամական պետություն» խմբավորման դեմ պայքարի համար, տեղեկացնում է РИА Новости գործակալությունը:

 

Ակնկալվում է, որ կործանիչները կուղարկվեն նոյեմբերի վերջին, և դրանք կտեղակայվեն Քուվեյթում գործող ռազմաբազայում:

 

Ենթադրվում է, որ Իտալիայի օդուժին պատկանող ինքնաթիռներին կհանձնարարվի հեռախուզական աշխատանքներ իրականացնել, և դրանք հարվածներ չեն հասցնի ԻՊ-ի դիրքերին:

 

Իտալական Tornado-ներն արդեն  բազմիցս մասնակցել են պատերազմների. 1991թ.-ին՝ Պարսից ծոցում, Բալկանյան պատերազմին՝ 1995 և 1999 թթ-ին, նաև Աֆղանստանում և Լիբիայում իրականացված գործողություններին:

 

Այս կործանիչները կուժեղացնեն Իտալիայի մասնակցությունն ԻՊ-ի դեմ մղվող միջազգային գործողություններին: