Կախա Բենդուկիձեի դին Լոնդոնում փորձաքննության կենթարկեն
Լոնդոնում տեղի է ունենալու Վրաստանի կառավարության նախկին անդամ Կախա Բենդուկիձեի դիակի փորձաքննությունը:
Ինչպես տեղեկացնում է ИТАР-ТАСС գործակալությունը, այդ մասին լրագրողներին հաղորդել է Վրաստանի էկոնոմիկայի նախկին փոխնախարար Վախթանգ Լեժավան:
Նա նաև նշել է, որ Բենդուկիձեի հուղարկավորության արարողությունը տեղի կունենա Թբիլիսիում: Հուղարկավորության օրը չի նշվում:
Միխեիլ Սաակաշվիլիի պաշտոնավարման տարիներին Վրաստանի էկոնոմիկայի նախարար եղած Կախա Բենդուկիձեն մահացել է նոյեմբերի 13-ին՝ 59 տարեկանում:
Նախնական տեղեկություններով՝ նրա մահվան պատճառը եղել է սրտի անբավարարությունը:
Վրացական լրատվամիջոցները հաղորդել էին, որ Բենդուկիձեն երկրից հեռացել էր այս տարվա հուլիսին, իսկ օգոստոսից գտնվում էր Շվեյցարիայում, որտեղ վիրահատության էր ենթարկվել: Նոյեմբերի սկզբին նա մեկնել էր Լոնդոն, որտեղ էլ վախճանվել է:










