Եվրոպայի լավագույն քաղաք է ճանաչվել Ռոտերդամը

09:51 • 18.11.14

Urbanism Awards մրցանակաբաշխության շրջանակում Ուրբանիզմի ակադեմիան եվրոպական լավագույն քաղաք է ճանաչել Ռոտերդամը։ Քաղաքը հաղթել է տեղի իշխանությունների թափանցիկ գործելաոճի և նորարարական ճարտարապետության շնորհիվ, գրում է buro247.ru-ն։

 

Ճարտարապետական բուռն ակտիվությամբ հոլանդական Ռոտերդամը կարող է մրցակցել միայն 20-րդ դարասկզբի Նյու Յորքի և կոմունիստական վաղ խորհրդային կառույցների հետ։ Այս քաղաքը կարելի է անվանել ժամանակակից ճարտարապետության եվրոպական լաբորատորիա։ Դա է դարձել պատճառներից մեկը, որ Ուրբանիզմի ակադեմիան Ռոտերդամը ճանաչել է լավագույն եվրոպական քաղաք։

 

Պաշտոնական ձևակերպումը հետևյալն է՝ «Առավելապես երիտասարդ, բաց, հանդուրժող հասարակության համար, որն ընտրել է նորարարական ճարտարապետությունը, քաղաքային դիզայնը և նոր բիզնես-մոդելը»։

 

Պաշտոնական կոչման համար հոլանդական քաղաքի հետ մրցակցել են իտալական Թուրին և դանիական Օրհուս քաղաքները։