Երևանը պատրաստվում է ԵՏՄ-ին անդամակցությանը, սակայն հասարակությունը միակարծիք չէ. НГ-ի անդրադարձը
Հայաստանի՝ Եվրասիական տնտեսական միությանն անդամակցության փաստաթղթերի փաթեթը խորհրդարանի վավերացմանն է ներկայացվելու դեկտեմբերին:
Ուշացումը պայմանավորված է տեխնիկական խնդիրներով։ Հանրապետությունը ԵՏՄ անդամ կդառնա հունվարից, գրում է Независимая газета-ի հոդվածագիր Յուրի Ռոքսը:
Սահմանադրական դատարանն օրերես դաշինքին միանալու պայմանագիրը երկրի օրենսդրությանը համապատասխանող էր համարել՝ նշելով, որ այն չի հակասում երկրի ազգային շահերին:
Երևանում շատ լուրջ են վերաբերվում ԵՏՄ-ին անդամակցությանը. կազմակերպության շրջանակներում գործողությունները համակարգելու համար ստեղծվում է (հրամանագիրը պետք է ստորագրի ՀՀ նախագահը) Միջազգային ինտեգրման ու բարեփոխումների նախարարություն:
Սակայն հասարակության մեջ ԵՏՄ-ին անդամակցելու վերաբերյալ միասնական տեսակետ չկա: Մեծամասնությունն ավանդաբար սատարում է հայկական քաղաքականության ռուսական ուղղվածությանը, սակայն քիչ չեն նաև հակառակորդները:
Հնարավոր է՝ պատկերը քիչ թե շատ օբյեկտիվ է ներկայացնում ընդդիմադիր կոալիցիայի հանրահավաքը, որտեղ քաղաքական առաջնորդներից երկուսը կողմ են ԵՏՄ-ին անդամակցությանը, իսկ երրորդը կտրականապես դեմ է: Մոտավորապես հենց այդպես էլ բաժանվում է հասարակությունը, գրում է թերթը։
Հոդվածագիրը նաև ներկայացնում է Հայաստանից հնչող կողմ և դեմ կարծիքները:










