ԲՀԿ-ն հստակեցնում է՝ 12 կետերի հարցով Կառավարության հետ բանակցելու որևէ առիթ չեն տեսնում
«Բարգավաճ Հայաստան» խմբակցության պատգամավոր Վահան Բաբայանը թեև ցանկություն չունի պատասխանել ՀՀԿ փոխխոսնակ Էդուարդ Շարմազանովի հարցադրմանը, թե 12 կետերը քննարկելու առաջարկի մերժում ԲՀԿ-ից լսվե՞լ է, բայց ամեն դեպքում անհրաժեշտություն է համարում կրկնել, որ 12 կետերի հարցով ԲՀԿ-ն Կառավարության հետ բանակցելու որևէ առիթ չի տեսնում։
«Բանակցությունների մասնակցության իմաստ չկա, և մեր տարբեր գործիչներ դրա մասին խոսել են»,-Tert.am-ի հետ զրույցում ասաց նա և պարզաբանեց, թե դրանք կամ կատարում են, կամ ոչ։
«Որովհետև 12 կետերը Կառավարությունը կա՛մ կարող է կատարել, կամ՝ ոչ, դրա վերաբերյալ ի՞նչ բանակցություններ արվեն։ Կառավարությանը ժամանակ տվել է, որ այդ խնդիրների լուծումները իրենք գտնեին, իրենք չենք գտել այդ խնդիրների լուծումները և նույնիսկ չեն փորձել դա անել»,-ասաց նա։










