6 Rolls Royce, 2-ական Bentley և Mercedes. Մոսկվայի կենտրոնում թանկարժեք մեքենաներ են այրվել

09:24 • 21.11.14

Մոսկվայի կենտրոնում բռնկված հրդեհը ոչնչացրել է տասը էլիտար ավտոմեքենա, հայտնում է Интерфакс-ը՝ իրավապահ մարմիններին հղումով։

 

Հրդեհը բռնկվել է վաղ առավոտյան Օրուժեյնի նրբանցքի 15ա հասցեում գտնվող փակ կայանատեղիում, որտեղ գտնվել է 12 ավտոմեքենա, այդ թվում՝ 6 Rolls Royce, 2-ական Bentley և Mercedes։ Հաղորդվում է, որ այդ բոլոր ավտոմեքենաները պատկանել են միևնույն մարդուն։

 

Ոստիկանությունը չի բացառում, որ կրակի պատճառը դարձել է հրդեհումը։

 

Ռուսաստանի արտակարգ իրավիճակների նախարարության Մոսկվայի գլխավոր վարչությունում հաստատել են հրդեհման փաստը։ Ոստիկանության մամուլի ծառայությունում հայտնել են, որ դեպքի վայր է մեկնել օպերատիվ քննչական խումբ։