Հրապարակվել են Մոսկվայում այրված թանկարժեք մեքենաների լուսանկարները
Մոսկվայում այսօր վաղ առավոտյան փակ ավտոկայանատեղիներից մեկում 12 թանկարժեք մեքենա էր այրվել, որոնք պատկանում էին շինարարական մի ընկերության և օգտագործվում էին բարձրաստիճան աշխատակիցներին տեղափոխելու համար։
Ընդհանուր առմամբ, հրդեհի վնասը, ըստ սեփականատերերի գնահատականի, կազմում է մոտ 100 մլն ռուբլի, հայտնում է Life News-ը։
Հրդեհի հետևանքով այրվել է 4 Rolls Royce, 5 Porsche, 2 Mercedes S400 և 1 Mercedes-Benz G-Class։
Մասնագետները կարծում են, որ այրման պատճառը կարող է լինել հրդեհումը, քանի որ դեպքի վայրում մինչ այժմ զգացվում է բենզինի սուր հոտ, իսկ հատակին առկա են բնորոշ «գույնզգույն» հետքեր։
Սակայն դիտարկվում է նաև այլ տարբերակ. հնարավոր է՝ հրդեհման պատճառ է դարձել լարերի թույլ միացումը մեքենաներից մեկում։

















