Լոնդոնի կենտրոնում պայթյուն է որոտացել, կան տուժածներ

11:19 • 22.11.14

Լոնդոնում հինգաստղանի հյուրանոցում գազի պայթյունի հետևանքով տուժել է 14 մարդ, հայտնում է Sky News-ը։

 

Միջադեպը տեղի է ունեցել Hyatt Regency Churchill հյուրանոցում, որը գտնվում է բրիտանական մայրաքաղաքի կենտրոնում, գրում է lenta․ru-ն։

 

Ներկայում աշխատում են հրշեջներն ու շտապ օգնությունը։ Պայթյունը հանգեցրել է շենքի մասնակի փլուզմանը։ Փլուզման մասշտաբների գնահատման համար ներգրավվել են ինժեներներ։

 

Պատահարի ժամանակ հյուրանոցում եղել է մոտ 500 հոգի, նրանք բոլորը տարհանվել են։ 

 

Տուժածներից 5-ին անհրաժեշտություն է եղել տեղափոխել հիվանդանոց, այդ թվում նաև ոտքերի վնասվածքներ ստացած երկու տղամարդու։ Մյուսներին օգնությունը ցուցաբերվել է տեղում։