Էկվադորի նախագահն ամերիկացի հաքերներին մեղադրել է իր հաշիվները կոտրելու փորձի համար
Էկվադորի նախագահ Ռաֆայել Կորրեան հայտարարել է, որ ԱՄՆ-ի տարածքից փորձել են կոտրել իր համացանցային հաշիվները:
Ինչպես տեղեկացնում է Lenta.ru-ն, այդ մասին պետության ղեկավարը հայտարարել է երեկ՝ Twitter-ի իր միկրոբլոգում:
«Երեկ ողջ օրվա ընթացքում իմ հաշիվների վրա հարձակումներ էին տեղի ունենում: Դրա համար նրանք թափանցել էին իմ համակարգիչ»,- ասել է Կորրեան:
Նրա խոսքերով՝ կիբերհարձակումները կազմակերպվել են ԱՄՆ–ում գտնվող սերվերից, իսկ հաքերների նպատակը անձնական տվյալներ ու տեղեկություններ ձեռք բերելն էր:
Կորրեան համոզված է, որ ցանցահեններին չի հաջողվի իրագործել իրենց նպատակը: «Բարձր տեխնոլոգիաների և ռեսուրսների կիրառմամբ այս պարբերական հարձակումները չեն հաջողվի»,- գրել է էկվադորի առաջնորդը:










