Բելառուսի նախագահը ծնկի վիրահատություն է տարել
Բելառուսի նախագահ Ալեքսանդր Լուկաշենկոն ծնկի հոդի վիրահատություն է տարել, հայտնում է БЕЛТА-ն՝ վկայակոչելով նախագահի մամուլի խոսնակին:
Վիրահատության պատճառը եղել է «մարզական վնասվածքը, որ ստացվել է հոքեյի պարապմունքներից մեկի ժամանակ»:
Վիրահատությունը պլանային է եղել, սակայն Լուկաշենկոյի խիտ գրաֆիկի պատճառով երկար ժամանակ հնարավոր չի եղել իրականացնել: Այժմ Լուկաշենկոյի վիճակը բավարար է գնահատվում: Ապաքինման համար նրան 3-4 օր կպահանջվի:
Հոքեյը Լուկաշենկոյի հոբբին է, նա սառույց է դուրս գալիս որպես հարձակվող՝ 1 համարի ներքո։










