Ծխախոտի մնացորդները փողոցում նետելու համար Իտալիայում կարող են տուգանել 150 եվրոյով
Իտալիայում «Կայունության մասին» օրենքում լրացումներն իրավապահներին թույլ կտան տուգանել բոլոր նրանց, ովքեր աղբամանից բացի այլ վայրերում ծխուկներ կնետեն, գրում է euromag.ru-ն։
Օրենքի «Շրջակա միջավայրի պահպանությունը» բաժնում կատարված փոփոխությունը թույլ է տալիս իրավապահներին տուգանել իրավախախտներին 30-ից 150 եվրոյի չափով։ Այժմ այն պետք է արժանանա խորհրդարանի հավանությանը։
Նախատեսվում է, որ տուգանքներից ստացված գումարի մի մասը կփոխանցվի Շրջակա միջավայրի պահպանության նախարարության ստեղծած հիմնադրամին։











