Բուլղարիայի վարչապետը կոչ է արել պահպանել «Հարավային հոսք» նախագիծը
Բուլղարիայի վարչապետ Բոյկո Բորիսովը կողմ է արտահայտվել «Հարավային հոսք» նախագծի պահպանմանը, տեղեկացնում է Взгляд-ը:
Սերբիան ևս հույս ունի, որ այս գազամուղի կառուցման համար պայմանավորվածություն ձեռք կբերվի Ռուսաստանի և Եվրամիության բանակցությունների ընթացքում:
Իսկ Սերբական Հանրապետության նախագահ Միլորադ Դոդիկը հիասթափված է Եվրոպայի զարգացած երկրների դիրքորոշումից, որը հանգեցրել էր «Հարավային հոսքի» կասեցմանը:
Հիշեցնենք, որ երկուշաբթի Ռուսաստանի նախագահ Վլադիմիր Պուտինը հայտարարել էր, թե ներկա պայմաններում «Հարավային հոսք» նախագիծը կյանքի կոչվել չի կարող:
Պուտինը նաև Բուլղարիային առաջարկել էր ԵՄ-ից փոխհատուցում պահանջել՝ չստացված եկամուտների դիմաց:










