Նյու Յորքում բողոքի ակցիաներ են անցկացվում ոստիկանին արդարացնելու պատճառով

10:04 • 04.12.14

Նյու Յորքում տեղի է ունենում բողոքի ակցիա, որի մասնակիցները պահանջում են 2014 թվականի հուլիսի 17-ին աֆրոամերիկացի Էրիկ Գարների մահվան հանգամանքների «արդար հետաքննություն», գրում է BBC-ի ռուսական ծառայությունը:

 

CNN հեռուստաալիքը, վկայակոչելով Նյու Յորքի ոստիկանության տվյալները, հաղորդում է բողոքի ակցիաների 30 մասնակցի ձերբակալության մասին:

 

Սևամորթ Էրիկ Գարները մահացել է, երբ ոստիկանության աշխատակիցները, ովքեր փորձել են նրան ձերբակալել, տապալել են նրան գետնին՝ բռնելով կոկորդից: Վեց երեխաների հայր Գարները տառապում էր ասթմայից, գիրությունից և սրտի հետ կապված խնդիրներից:

 

Ատենակալների ժյուրին որոշում է կայացրել քրեական գործ չհարուցել ոստիկան Դենիել Պանտալեոյի դեմ՝ նրա գործողություններում չգտնելով հակաօրինական և ոչ մի բան:

 

Նյու Յորքի բազմաթիվ բնակիչներ, ում վրդովել է ատենակալների վճիռը, դուրս են եկել փողոցներ, որպեսզի իրենց բողոքն արտահայտեն, իրենց կարծիքով, անարդար որոշման վերաբերյալ: