Ավստրիայում լաբրադորը իր ձայնի ուժով փրկել է տիրոջ կյանքը

20:50 • 04.12.14

Ավստրիայի Զալցբուրգ թաղաքում շան կողմից տիրոջը փրկելու արտասովոր դեպք է գրանցվել: Ինչպես  հայտնում է News.ru-ն՝

իր բարձր ձայնն օգտագործելով՝ նա օգնության էր կանչել, երբ զբոսնելիս տերն անսպասելիորեն վատացել էր և տապալվել գետնին:

Օգնելու, լիզելու, քաշելու մի քանի անհաջող փորձերից հետո հուսահատ շունն այնպես բարձր էր կլանչել, որ հարևանները լսել և ոստիկանություն էին զանգել: Օգնության հասած փրկարարները հազիվ են կարողացել հանգստացնել շանը՝ տիրոջը մոտենալու համար:

35-ամյա տուժածը տեղափոխվել է հիվանդանոց, նրան հաջողվել է փրկել: Շունը, սակայն, ոչ միայն օգնել է իր տիրոջը, այլև ոստիկաններին տարել նրա բնակության վայր, ինչը թույլ է տվել պարզել նրա ինքնությունը:
 

Շան անունն ու տիրոջ հիվանդության հետ կապված մանրամասներ հայտնի չեն: