ԱՄՆ-ում ցույցերը տարածվել են ողջ երկրով մեկ. Նյու Յորքում 200 մարդ են ձերբակալել
Հազարավոր մարդիկ դուրս են եկել փողոցներ` անցնելով Նյու Յուրք Սիթիից Սան Ֆրանցիսկո` արտահայտելու իրենց բողոքը անզեն սևամորթ մարդուն սպանած սպիտակամորթ ոստիկանի արդարացման վերաբերյալ դատարանի կայացրած որոշման դեմ:
Ինչպես հայտնում է Huffington Post-ը` ցուցարարները բողոքի են դուրս եկել ընտանիքներով` երեխաների և թոռների հետ: Բողոքի են դուրս եկել ինչպես սպիտակամորթներ, այնպես է՝ սևամորթներ:
Ցուցարարների կարծիքով` կարևոր է, որ երեխաները տեսնեն տարբեր ռասաներով միախառնված մարդկանց, որոնք մի բան են պնդում՝ ինչ-որ բան պետք է արվի:
Նյու Յորքում ոստիկանության ղեկավարները մեղադրել են քաղաքապետ Բիլ դե Բազիոյին՝ իր պաշտոնյաներին չաջակցելու համար:
Նախագահ Բարաք Օբաման էլ է ներգրավվել այս գործում` հայտարարելով, որ կարևոր հատկանշական փաստերից է, որ մարդիկ ոստիկանության և իրավապահ մարմինների հանդեպ վստահ վերաբերմունք ունենան:
Ցույցերն ակտիվացել են դատարանի որոշման պատճառով, որի համաձայն՝ սևամորթ Մայքլ Բրաունին Ֆերգյուսոնում սեպտեմբերին սպանած ոստիկանն արդարացվել էր: Ոստիկանության տվյալներով` նրանք ավելի քան 200 ցուցարար են ձերբակալել Նյու Յորք Սիթիում: Ցույցեր են տեղի ունեցել նաև Սան Ֆրանցիսկոյում, Արիզոնայում, Չիկագոյում, Վաշինգտոնում:










