Վարդան Պետրոսյանի գործով դատաքննությունն ավարտվեց
Դերասան Վարդան Պետրոսյանի մասնակցությամբ տեղի ունեցած ավտովթարի գործի դատաքննությունն այսօր ավարտվեց:
Կոտայքի մարզի ընդհանուր իրավասության դատավոր Վաղինակ Մկրտչյանը հայտարարեց, որ դատարանն անցում է դատական վիճաբանությունների փուլին:
Քանի որ մեղադրող Արթուր Սարգսյանը ժամանակ խնդրեց ճառին պատրաստվելու համար, դատարանը որոշեց հետաձգել դատական նիստը. այն տեղի կունենա դեկտեմբերի 17-ին:










