UTair ավիաընկերությանը խնդրում են սնանկ ճանաչել

12:12 • 08.12.14

«Ավիալիզինգ» ներդրումային ընկերությունը «UTair» ավիաընկերությանը սնանկ ճանաչելու մասին դիմում է ներկայացրել: Այդ մասին ասված է ընկերության պաշտոնական կայքում, հաղորդում է BBC-ի ռուսական ծառայությունը:

 

2011 թվականի հունիսից «UTair»-ը դադարեցրել է իրականացնել ավիացիոն տեխնիկայի վարձակալության պայմանագրի պարտավորությունները, ներկայում ավիափոխադրողի պարտքը 3,5 միլիոն ռուբլի է, պնդում են «Ավիալիզինգ»-ում:

 

Ավիաընկերությունը ներկայացված հայցը դեռ չի մեկնաբանել:

 

«UTair»-ն առաջատար ռուսական ուղևորատար ավիափոխադրողներից է: Նրա դեմ պարտքեր կուտակելու մասին հայց նախկինում ներկայացրել են մի քանի շրջանային օդանավակայաններ և բանկեր: