Սաուդացի աղջիկը հանուն բարձրագույն կրթության դատի է տվել հորը
Սաուդյան Արաբիայում մի աղջիկ դատական հայց է ներկայացրել հոր դեմ, քանի որ վերջինս խոչընդոտել է դստեր կրթություն ստանալուն:
Ինչպես նշում է alarabiya.net-ը, աղջիկը, ում անունը չի նշվում, պնդում է, որ հայրը թույլ չի տալիս իրեն վերադառնալ արտասահման ու շարունակել այնտեղ ուսանելը:
Հայցվորը պատմել է, որ հայրն իրենից պահանջել է արտասահմանում ստացած ողջ կրթաթոշակը, սակայն երբ դուստրը հրաժարվել է հանձնել գումարը, հայրն արգելել է նրան վերադառնալ օտար երկիր:
Աղբյուրը նշում է, որ դատավարությունը շարունակվում է և, ըստ ամենայնի, դատական վճիռը կկայացվի հօգուտ հայցվորի:










