Չինաստանում փնտրում են անհետացած 100 վիետնամցի հարսնացուներին

23:24 • 11.12.14

Չինաստանում անհետացել է ավելի քան 100  վիետնամցի հարսնացու, որոնք պետք է ամուսնանային նույն գյուղական համայնքում բնակվող չինացի ամուրիների հետ:

 

Ինչպես հայտնում է  Daily Mail-ը` ոստիկանությունը հետաքննում է կանանց զանգվածային անհետացումը Հանդանի Ցույչժոու ավանից, որը գտնվում է Հեբեյ նահանգի կենտրոնական հատվածում:

 

   Խեղճ փեսացուները, որոնք բնակվում են գյուղատնտեսական համյնքում, տասնյակ հազարավոր գումարներ են վճարել վիետնամցի խնամախոսներին, ովքեր անհետացել են հարսնացուների հետ միասին:  

 

 Տասնամյակներ շարունակ Չինաստանում կիրառվող ընտանեկան քաղաքականության և տղա երեխաների ծնունդին նախապատվություն տալու պատճառով երկրում տղամարդիկ վաղուց արդեն թվով գերազանցում են կանանց, ինչն էլ դժվարացնում է կին գտնելու գործը:

 


 Կինը, ով միջնորդել է ամուսնության համար, այդ շրջանում բնակվել է 20 տարի: Նա ավելի քան 100 000 յուան ($16,000)  է ստացել հաջող ծանոթացման համար: Նա ևս անհետացել է հարսնացուների հետ միասին: