Հունաստանում ջրհեղեղը 2 մարդու կյանք է խլել (լուսանկարներ, տեսանյութ)
Հունաստանի Սալոնիկ քաղաքում գետի վարարման և հորդառատ անձրևների հետևանքով առաջացած ջրհեղեղն արդեն երկու մարդու կյանք է խլել, հայտնում է greekreporter.com-ը։
Եղանակային պայմանների պատճառով Հունաստանի հյուսիս-արևելյան հատվածում լուրջ խնդիրներ են առաջացել՝ կապված էլեկտրաէներգիայի մատակարարման հետ։
Օրեստիադա, Սուֆլի և Ֆերես բնակավայրերում արտակարգ դրություն է հայտարարվել, եղանակի վատթարացման դեպքում հնարավոր է բնակիչների տարհանում։
Բնակիչները դժգոհ են, քանի որ արդեն 20.000 հեկտար գյուղատնտեսական տարածք է անցել ջրի տակ, տուժել են մի շարք տներ։













