Աֆղանստանցի Բրուս Լին համացանցի նոր հերոս է դարձել. լուսանկարներ
20-ամյա աֆղանստանցին, որ ասես քունգֆուի չինացի վարպետ Բրուս Լիի ռեինկարնացիան լինի, դարձել է համացանցի նոր աստղ: Այս մասին հայտնում է Reuters-ը:
Աբբաս Ալիզադե անունով երիտասարդը գերադասում է, որ իրեն աֆղանստանցի Բրուս Լի անվանեն: Facebook-ում անգամ նրան նվիրված Bruce Hazara էջն է բացվել, որում ցուցադրված են նրա կատարած հնարքները:
Պատերազմներից բզկտված այդ երկրում նման հայտնի մարդու ի հայտ գալը աղբյուրը շատ կարևոր է համարում և չի թաքցնում, որ էլ ավելի մեծ ճանաչման հույս ունի: Առաջիկայում նա ծրագրում է դառնալ չեմպիոն իր երկրում և Հոլիվուդի աստղ: Նա աղքատ ընտանիքից է, որում տասը երեխա կա: Նրանք չէին կարող իրենց թույլ տալ, որ տղան ուշու պարապի: Բայց ուսուցիչը նրան, հնարավոր է՝ ապագա աստղին, իր «թևի տակ է առել»:










