Բուրյաթիայում տղամարդը պատանդ է վերցրել շտապօգնության աշխատակիցներին

12:59 • 12.12.14

Բուրյաթիայում տղամարդն ուրբաթ առավոտյան պատանդ է վերցրել շտապօգնության 2 աշխատակցի։ 

 

ТАСС գործակալությունը հայտնում է, որ տղամարդը ձերբակալվել է։

 

Նախկինում դատվածություն ունեցող 41-ամյա հարբած տղամարդն իր բնակարանում պատանդ է պահել երկու բուժաշխատողի և պահանջել, որ իրեն բժշկական տեղեկանք տրամադրեն։

 

Տեղի ժամանակով 9.25-ին դեպքի վայր են ժամանել ոստիկանության հատուկ նշանակության ջոկատներն ու արտակարգ իրավիճակների ծառայության աշխատակիցները։

 

Նրա ձերբակալության համար կազմակերպված հատուկ գործողության ժամանակ ոչ ոք չի տուժել,  հայտնել են ՌԴ ներքին գործերի նախարարությունից։