Տարածքի անբավարար լինելու պատճառով չինական դպրոցում վազքուղին կառուցել են շենքի տանիքին (լուսանկարներ)
Չինաստանի Չժեցզյան նահանգի Թյանթայ քաղաքի հանրակրթական դպրոցներից մեկի տանիքին 200 մետր երկարությամբ վազքուղի են կառուցել:
Ինչպես գրում է Oddity Central-ը` դպրոցի տնօրինությունը նման որոշում է կայացրել՝ մեծ ընտրություն չունենալով, քանի որ դպրոցի տարածքում ոչ մի ազատ տեղ չկար երեխաների համար վազքուղի կառուցելու համար, որտեղ երեխաները կկարողանային մարզվել:
Դպրոցի վազքուղու յուրահատուկ դիզայնը համաշխարհային ճանաչում է ձեռք բերել և այս տարի Չինաստանը ներկայացրել է Վենետիկի 14-րդ ճարտարապետական ցուցահանդեսին: Տանիքին կառուցված վազքուղին բացվել է սեպտեմբերին և ունի ավելի քան 3000 քառ. մետր տարածք, որտեղ աշակերտները խաղում և մարզվում են անվտանգ պայմաններում:
















