Ավստրալիայի վարչապետը կոչ է արել բնակչությանը խուճապի չմատնվել

12:48 • 15.12.14

Ավստրալիայի վարչապետ Թոնի Էբոթը Սիդնեյի կենտրոնում գտնվող Lindt սրճարանում պատանդներ վերցնելու առնչությամբ կոչ է արել ավստրալացիներին խուճապի չմատնվել և շարունակել զբաղվել իրենց գործերով, փոխանցում է forbes.ru-ն։

 

«Քաղաքական դրդապատճառներով բռնության նպատակն է վախեցնել և ստիպել մարդկանց դադարել լինել այն, ինչ կան»,- հայտարարել է Էբոթը Կանբերայում ազգային անվտանգության կոմիտեի նիստից հետո։

 

«Ավստրալիան խաղաղ, բաց և շռայլ հասարակություն է։ Ոչինչ երբեք չպետք է փոխի այն։ Եվ այդ պատճառով ես կոչ եմ անում բոլոր ավստրալացիներին այսօր զբաղվել իրենց գործերով, ինչպես միշտ»,- հայտարարել է վարչապետը։

 

Էբոթը հայտարարել է նաև, որ կառավարությունը նույնպես մտադիր չէ փոխել իր պլանները։ Նրա խոսքով՝ պատանդներ վերցրած մարդու դրդապատճառները դեռևս այնքան էլ պարզ չեն, սակայն կան նախանշաններ, որ հանցագործությունը քաղաքական բնույթ է կրում։

 

«Մենք պետք է հասկանանք, որ նույնիսկ նման հասարակությունում, ինչպես մերն է, կան մարդիկ, ովքեր ցանկանում են մեզ վնասել»,- ասել է Էբոթը։