Apple-ը կարող է այս տարի ներկայացնել iPhone 6S և iPhone 7 սմարթֆոնները. ԶԼՄ-ներ

Ինչպես գրում է  itproportal.com պորտալը` Apple ընկերության շուրջ  դարձյալ խոսակցություններ են պտտվում, թե ինչ նոր արտադրանք կներկայացնի հաջորդիվ: Ըստ  տարածվող լուրերի` ամերիկյան տեխնոլոգիական հսկան մտադիր է այս տարի ևս երկու նոր սմարթֆոն ներկայացնել:

Պորտալի տվյալներով` այս տարի կներկայցվեն  iPhone 6S և  iPhone 7 հեռախոսները, սակայն ոչ միաժամանակ:

Knowyourmobile պարբերականի հաղորդմամբ` iPhone 6S-ը, որը առավել մատչելի տարբերակ կլինի, հավանաբար, կներկայացվի 2015-ի առաջին կեսին: Pc Pro-ի հաղորդմամբ` Phone 6s և Phone 7 սմարթֆոնները կներկայացվեն սեպտեմբերի 8-ին` հատուկ  միջոցառման ժամանակ՝ Կուպերտինոյում կամ Սան Ֆրանցիսկոյում: Ինչպես նկատում է աղբյուրը` Apple ավանդույթ է դարձրել իր նորագույն արտադրանքները ներկայացնել սեպտեմբերի երկրորդ երեքշաբթի օրը: