60 դոլարանոց սարքը չափում է հարբածության աստիճանը և անհրաժեշտության դեպքում տաքսի կանչում (լուսանկարներ, տեսանյութ)

Breathometer կոչվող 60 դոլար արժողությամբ սարքը նախատեսված է մարդու հարբածության աստիճանը որոշելու համար, այն աշխատում է բջջային հավելվածի հետ համատեղ և անհրաժեշտության դեպքում կարող է տաքսի կանչել օգտատիրոջ փոխարեն, գրում է Daily Mail-ը:

Բջջային հավելվածը թույլ է տալիս գնահատել հարբածության աստիճանն ըստ միավորների, որը նաև թույլ է տալիս օգնության համար ահազանգել ընկերներին, գտնել ռեստորաններ կամ էլ հյուրանոցներ:

Եթե այն տեսնում է, որ օգտատերը չափազանց հարբած է և ի վիճակի չէ տուն հասնել, այն Uber կոչվող տաքսիների պատվիրման համակարգի միջոցով տաքսի է պատվիրում՝ օգտվելով GPS ծառայությունից:

Այն անհրաժեշտ է միացնել բջջայինին ականջակալների մուտքից, որից հետո անհրաժեշտ է փչել սարքի վրա, և բջջայինի էկրանին կերևա հարբածության աստիճանը: