Ավստրալիայում բացվել է օվկիանոսի ալիքներով աշխատող աշխարհում առաջին էլեկտրակայանը (լուսանկար)

Արևմտյան Ավստրալիայում շահագործման է հանձնվել աշխարհում առաջին էլեկտրակայանը, որն աշխատում է օվկիանոսի ալիքների էներգիայով:

Ինչպես նշում է businessinsider.com-ը, էլեկտրակայանը բավականաչափ էներգիա է արտադրում 1.500-2.000 տնային տնտեսության լույսով ապահովելու համար:

Մասնագետները պատմել են, որ ուշագրավ նախագիծը մշակման փուլում է եղել 10 տարի, իսկ դրա իրականացման համար պահանջվել է 100 մլն դոլարի ներդրում:

Նորաստեղծ համակարգն առանձնանում է նրանով, որ աշխատում է ջրի տակ` ապահով լինելով ուժեղ փոթորիկներից: Հետաքրքրական է նաև այն փաստը, որ էլեկտրակայանը կկարողանա օվկիանոսի ալիքներից էլեկտրաէներգիայից զատ արտադրել նաև մաքուր ջուր: Միևնույն ժամանակ այն որևէ վնասակար արտանետումներ չի անի: