Twitter-ում տեսանյութեր ձայնագրելու հնարավորություն է հայտնվել

Twitter միկրոբլոգների ցանցում սեփական էջում տեսանյութ հրապարակելու հնարավորություն է հայտնվել: Այդ մասին ասված է համացանցային ընկերության տարածած հաղորդագրությունում, գրում է Russia Today-ը:

«Ներկայացնում ենք Twitter-ում տեսանյութերի գործառույթը: Ֆիքսե՛ք ձեր կյանքի ամենատպավորիչ պահերը Twitter-ում տեսանյութերի միջոցով և ցո՛ւյց տվեք դրանք ողջ աշխարհին»,- ասված է հաղորդագրության մեջ:

Տեսախցիկ ունեցող բջջային հռախոսով տեսանյութ նկարահանելու համար հարկավոր է սեղմել դրա համար նախատեսված հատուկ կոճակը: Նկարահանման ավարտից հետո այն կհրապարակվի միկրոբլոգում:

Տեսանյութեր ձայնագրելու գործառույթն արդեն կա Faceboook և Instagram սոցիալական ցանցերում: