Ինչպես են ստեղծվում լեգենդար Rolls Royce ավտոմեքենաները (լուսանկարներ)

Rolls Royce ավտոմեքենաներն ընկերության հարյուրամյա պատմության ընթացքում շատ են փոխվել։ Սակայն մի բան մնացել է անփոփոխ՝ յուրաքանչյուր մեքենա հավաքվում է ձեռքով։ Մի մեքենայի ստեղծումը տևում է 2 շաբաթ։

Лента-ի թղթակիցը եղել է ընկերության գործարանում Մեծ Բրիտանայի Գուդվուդ բնակավայրում և պարզել, թե ինչպես է հազարավոր պարզ մասնիկներից ստեղծվում առանձնահատուկ տրանսպորտային միջոցը։

Rolls Royce-ի ամենամեծ յուրահատկությունը գլխավոր կոնվեյերի երկարությունն է, որն ընդամենը 500 մետր է։ Ի տարբերություն այլ արտադրողների՝ այդ համեստ չափերը կապված են լայն արտադրության բացակայության հետ։ Նախորդ տարի ընկերությունը թողարկել է մոտ 4.000 մեքենա։

Մեքենայի սրահի համար առավել պահանջված գույներն են սևը, սպիտակը, կապույտը, կարմիրը և դեղինը։ Յուրաքանչյուր մասնիկ պատրաստվում է ձեռքով։

Ընկերության ներկայացուցիչները վստահեցնում են, որ մեքենան ներկելու համար կարող են օգտագործել 44.000 գույն։