Միջազգային նոր արշավը պայքարում է կանանց մեքենա վարել արգելող, բռնության ենթարկել թույլատրող և այլ օրենքների դեմ

15:16 • 26.02.15

Կանանց և աղջիկների հավասար իրավունքների և դրանց պաշտպանության համար պայքարող, 1992-ին հիմնադրված Equality Now կազմակերպությունը նոր արշավ է սկսել, որի շրջանակում քննադատության են արժանանում մի շարք բացահայտ խտրական օրենքներ, որոնք այժմ գործում են աշխարհի շուրջ 44 երկրներում, գրում է Daily Mail-ը:

 

Կազմակերպության լոնդոնյան գրասենյակից Ջեքի Հանթը Marie Claire ամսագրին ասել է, որ աշխարհի մի շարք անկյուններում կանայք և աղջիկները զրկված են մի շարք քաղաքական, տնտեսական և սոցիալական իրավունքներից և ապրում են անբարենպաստ պայմաններում միայն այն պատճառով, որ կին են:

 

Աղբյուրը ներկայացնում է մի քանի օրենքներ, որոնց դեմ ուղղված է նոր արշավը.

 

Ռուսաստանում կանանց արգելել են գնացք, բեռնատար մեքենա կամ տրակտոր վարել՝ պատճառաբանելով, որ դա վտանգավոր է նրանց առողջության համար:

 

Բահամներում ամուսինն իրավունք ունի բռնաբարելու իր կնոջը, այն քրեորեն պատժելի է միայն այն ժամանակ, եթե կինը 14 տարեկանից փոքր է:

 

Պակիստանում քաղաքացիական դատարանում կանանց տված վկայությունները հավասար են տղամարդու տված մեկ վկայության կեսին:

 

Հրեական օրենքի համաձայն՝ կանայք իրավունք չունեն ապահարզան պահանջելու, դա անելու իրավունք ունի միայն տղամարդը:

 

Մեծ Բրիտանիայում կանայք չեն կարող ծառայել թագավորական ռազմածովային ուժերում:

 

Նիգերիայում կնոջը ծեծի ենթարկելը համարվում է օրինական, և անպատժելի է, եթե ծեծի ենթարկողը կնոջ ամուսինն է:

 

Աֆղանստանում կանայք չեն կարող տնից դուրս գալ առանց ամուսինների թույլտվության:

 

Մալթայում տղամարդը պատասխանատվության չի ենթարկվում, եթե նա առևանգի, բռնաբարի և ծեծի ենթարկի կնոջը, ապա վերջում ամուսնանա նրա հետ:

 

Սաուդյան Արաբիայում կանանց արգելված է մեքենա վարել: Մադագասկարում կանայք իրավունք չունեն աշխատել գիշերային ժամերին:

Equality Now shines a light on countries that still discriminate against women including Saudi Arabia which refuses women a driving licence

Another of the campaign images released by Equality Now in conjunction with their campaign, which aims to end discrimination against women globally