Մուշեղ Պետոյանը դուրս է եկել ԲՀԿ խմբակցությունից

12:27 • 26.02.15

Ազգային ժողովի պատգամավոր Մուշեղ Պետոյանն իր դիմումի համաձայն դադարեցրել է անդամակցությունը «Բարգավաճ Հայաստան» խմբակցությանը:


Այս մասին Ազգային ժողովի նիստի մեկնարկին հայտարարեց ՀՀ ԱԺ նախագահ Գալուստ Սահակյանը:


«Տեղեկացնեմ, որ պատգամավոր Մուշեղ Պետոյանն իր դիմումի համաձայն դադարեցրել է անդամակցությունը «Բարգավաճ Հայաստան» խմբակցությանը»,- «Արմենպրես»-ի հաղորդմամբ՝ ասել է Սահակյանը:


Ազգային ժողովի ԲՀԿ խմբակցությունն իրենց դիմումի համաձայն լքել են նաև պատգամավորներ Արագած Ախոյանը, Կարո Կարապետյանը, Դավիթ Քոչարյանը, Հարություն Ղարագյոզյանը, Գրիգորի Մարգարյանը:


Նրանք հայտարարել են, որ այսուհետ Ազգային ժողովում հանդես են գալու որպես անկախ պատգամավոր: Պատգամավոր Մելիք Մանուկյանն ԱԺ նախագահին մանդատից հրաժարվելու մասին դիմում է ներկայացրել: