Գիտնականները հայտնաբերել են մարդկային ուղեղի զարգացման համար պատասխանատու գենը

Գերմանացի Մաքս Պլանկի անվան մոլեկուլյար բջջային կենսաբանության ու գենետիկայի  ինստիտուտից հետազոտող գիտնականների խումբը հայտնաբերել է գենը, որը մարդու ուղեղը դարձնում է յուրահատուկ:

Ինչպես հաղորդում է Корреспондент-ը` Live Science-ին հղումով, ARHGAP11B գենը  գտնվում է ուղեղի` մտավոր գործողությունների և լեզվի աշխատանքի  համար պատասխանատու հատվածում: 

Այս գենը բնորոշ է միայն Homo Sapiens-ին, նեանդերթալցիներին և դենիսովներին (անհետացած մարդկանց ենթադրյալ տեսակ, որի մասին տեղեկություններ են փոխանցվել ՌԴ-ի Ալթայի շրջանի դենիսյան քարանձավում հայտնաբերված նյութերից):

Ինչպես հայտնի է` զարգացման ընթացքում մարդու ուղեղը  երեք  անգամ մեծացել է ծավալով: Այն պարունակում է մոտ հարյուր մլն նեյրոն, որը կազմում է մարդու ծախսած էներգիայի մեկ հինգերորդ մասը: Մարդու ուղեղի զարգացման ամենաակտիվ շրջանը երկու մլն տարի առաջ է տեղի ունեցել, երբ մարդն սկսել է ուղիղ դիրքով քայլել:

Ուղեղի զարգացման գործում  ARHGAP11B գենի գլխավոր դերակատարությունը գիտնականներն ապացուցել են փորձերով: