Գիտնականները պարզել են շատակերության պատճառը

Հետազոտություններն ապացուցում են, որ  մեր ֆիզիկական վիճակը կախված է գլխում առկա քիմիական նյութերից:

Ինչպես հաղորդում է Корреспондент-ը` ТСН-ին հղումով, գիտնականները պարզել են շատակերության պատճառը: Ճարպակալմամբ տառապող մարդկանց գլխուղեղում օփիոիդների ցածր մակարդակ է հայտնաբերվել: Հետազոտության արդյունքները հրապարակվել են Тhe Journal of Neuroscience գիտական ամսագրում:

Օփիոիդները կառուցվածքով մորֆինին նման նյութ է, որը հանգստացնող և ցավազրկող ազդեցություն է գործում: Բացի այդ, այն կարող է էյֆորիայի զգացողություն առաջացնել:

Գիտնականները պարզել են, որ հենց օփիոիդների ցածր մակարդակը մարդու օրգանիզմում շատ դեպքերում հանդիսանում է  շատակերության պատճառ:

   Օփիոիդների դեֆիցիտը հանգեցնում է դրական զգացողությունների և էմոցիաների անբավարարության, որը մարդը հակված է լրացնել ամենապարզ աղբյուրի` ուտելիքի միջոցով: