Նստակյաց կենսակերպը բացասաբար է ազդում ուղեղի վրա

Բոստոնի համալսարանում իրականացված հետազոտությանը մասնակցել է ավելի քան  1200 չափահաս մարդ, որոնց գործողություններին մասնագետները հետևել են 20 տարվա ընթացքում:

Ինչպես գրում է meddaily.ru–ն`The Daily Mail-ին հղումով, ուսումնասիրության սկզբում տղամարդիկ և կանայք, որոնց միջին տարիքը 41-ն էր, վազքուղով քայլում էին  1 մ/վայրկյան արագությամբ, որի ընթացքում մասնագետները հետևում էին  մասնակիցների արյան ճնշմանը և սրտի բաբախյունների հաճախականությանը:

Այնուհետև մասնագետները սկանանավորել են կամավորների ուղեղը, երբ լրացել է նրանց 60 տարին: Նրանց ուղեղում, ում սրտի կծկումների հաճախականությունը վազքուղում կտրուկ աճում էր, գորշ նյութի պակաս  է նկատվել, և նրանք դժվարացել են ճանաչողական թեստեր լրացնելիս:

Համարվում է, որ սրտի կծկումների, ինչպես նաև՝ արյան ճնշման ուժեղ և արագ աճը, որը նկատվում է, երբ ոչ ակտիվ մարդիկ սպորտով են զբաղվում, վնասում է ուղեղի աշխատանքին:  Ամենայն հավանականությամբ՝ ոչ ակտիվ մարդիկ հակված են մտագարության առաջացման: