Ստամբուլում թերթի խմբագրությունում պայթյուն է տեղի ունեցել. կա զոհ

11:46 • 26.03.15

Ստամբուլում Adimlar ամսագրի խմբագրությունում տեղի ունեցած պայթյունի հետևանքով մեկ մարդ զոհվել է, ևս 3-ը՝ վիրավորվել, տեղեկացնում է Sabah օրաթերթի կայքը:

 

Իրավապահ մարմինները ենթադրում են, որ խմբագրությունում ռումբ է պայթեցվել, քանի որ գազի պայթյունի վարկածն ի սկզբանե ժխտվել է:

 

Պայթյունի հետևանքով զոհվել է ամսագրի աշխատակից Ունսալ Զորը:

 

Ոստիկանությունը շրջափակել է Շիշլի թաղամասում գտնվող խմբագրության տարածքը: Տուժածները հոսպիտալացվել են, նրանց կյանքին վտանգ չի սպառնում:

 

Ինչպես հաղորդել է «Դողան» գործակալությունը, այս ամսագիրը կապ ունի Թուրքիայում գործող ծայրահեղ իսլամիստական կազմակերպության հետ: