Ապրիլի 24-ին թուրքական 6 քաղաքի քաղաքպետ կգա Հայաստան.Արագած Ախոյան
Հայոց ցեղասպանության հարյուրամյա տարելիցի հիմնական միջոցառումների օրը Արևմտահայոց համագումարի Հայաստանի լիազոր ներկայացուցիչ, ԱԺ պատգամավոր Արագած Ախոյանի հրավերով Հայաստան կժամանի թուրքական վեց քաղաքի քաղաքապետ, որոնց, ինչպես և քաղաքների անունները Արագած Ախոյանը նպատակահարմար չի համարում հրապարակել:
Tert.am-ի հետ զրույցում Արագած Ախոյանը ավելացրեց. «Կլինեն նաև թուրքական պառլամենտից պատգամավորներ, որոնք գալիս են կիսելու մեր ցավը, վիշտը և մասնակցելու միջազգային ֆորումին»:
Նա մարտի 28-29 –ին մասնակցելու է Փարիզում հիմնադված և ՄԱԿ-ում որպես միջազգային կազմակերպություն գրանցված՝ Արևմտահայոց ազգային կառույցի 4-րդ համագումարին:
«Սա Ցեղասպանության 100-րդ տարելիցի հետ կապ չունի, ուղղակի համընկել է»,-աաց Արագած Ախոյանը:
Հիշեցնենք, որ կառույցի հենքը հայրենակցական միություններն են:










